2025 жылғы 27 қаңтарда СҚО әкімдігі ветеринария басқармасының ветеринариялық-санитариялық іс-шаралар бөлімінің басшысы Наталья Евгеньевна Тараканова Петропавл қаласы ветеринариялық станциясының ұжымымен «Ветеринариялық анықтама беру» мемлекеттік қызметін сапалы көрсету мәселесі бойынша ақпараттық — түсіндіру жұмысын жүргізді.

Жұмыс кеңесі барысында ветеринариялық анықтамаларды рәсімдеу кезінде «Басқарудың бірыңғай автоматтандырылған жүйесі» ақпараттық жүйесі жұмысының негізгі талаптары түсіндірілді, мемлекеттік қызмет көрсету кезінде туындайтын проблемалық мәселелер талқыланды.

Өтінішті қабылдау кезінде көрсетілетін қызметті алушы жануарлардың жеке нөмірлерінің деректерін, межелі орнын, тасымалдау мақсатын (бордақылау, өсіру, күтіп-бағу, сою, санитариялық сою, көрме, жалға алу, кері қайтатын жазғы жайылымдар, жою, өткізу, қайта өңдеу, кәдеге жарату және басқалары), өндіріс объектісінің есептік нөмірін, өнімнің өндірілген күнін, жүру бағытын көрсетуі қажет.

Мал дәрігері жануарды, жануарлардан алынатын өнімді немесе шикізатты ветеринариялық қарап-тексергеннен кейін, ауыл шаруашылығы жануарларын бірдейлендіру дерекқорындағы жануар туралы мәліметтер немесе одан үзінді көшірме, ветеринариялық паспорт, сондай-ақ өтініш берген сәттегі аумақтың эпизоотиялық жағдайын бағалау, көлік құралының ветеринариялық-санитариялық жай-күйін бағалау негізінде мал дәрігерінің қолымен және мөрімен куәландырылған ветеринариялық анықтаманы береді немесе мемлекеттік қызметті көрсетуден дәлелді бас тартады.

Берілген барлық ветеринариялық анықтамалар мен дәлелді бас тартулар «Басқарудың бірыңғай автоматтандырылған жүйесі» ақпараттық жүйесіне енгізіледі.

Етке берілетін № 2 үлгідегі ветеринариялық анықтама Vetlab.kz «Еттің ветеринариялық-санитариялық сараптамасы» модулі арқылы беріледі.

Бес килограмнан артық балыққа, артемия цистаға № 2 үлгідегі ветеринариялық анықтама беру кезінде «Басқарудың бірыңғай автоматтандырылған жүйесі» ақпараттық жүйесінде ауланған жері туралы сканерленген нұсқасын тіркеу қажет.

Бөлім бысшысы ветеринариялық құжаттарды беру қағидалары мен олардың бланкілеріне қойылатын талаптарға енгізілген өзгерістер мен толықтыруларды мәлімдеді.

Кеңеске қатысушылар қызықтыратын сұрақтарға жауаптар алды.